CAGAARSHOWGA NOOCA B (Hepatitis B)

 

Caafimaadku wuxuu lafdhabar uyahay nolasha naftada wuxuna iftimaya mustaqbalka nolashada waana lama huraan ina barato cudurada halista ah ee naftada waxyeelen kara qormadaan waxay soo koobeysa cudurka halista ah ee Cagaarshow Nooca B (HBV)

WAA MAXAAY CAGAARSHOW NOOCA B?

Cagaarshowga Nooca B waa cudur faafa oo ku dhaca beerka (liver), kaas oo noqon kara mid degdeg ah (acute) ama mid daba‑dheer (chronic). 

Nooca daba‑dheer wuxuu sababi karaa beer‑gabow (cirrhosis), kansarka beerka, iyo dhimasho, Cudurku marar badan calaamado ma muujiyo ilaa uu si daran u gaaro.

MAXAA KEENA CUDURKAN?

Cudurkan waxaa keena fayras (Virus) loo yaqaan Hepatitis B virus (HBV).

HBV waa fayras si fudud ugu gudba dhiigga iyo dareerayaasha jirka, wuxuuna ku noolaan karaa jirka muddo dheer.

SIDA UU U FAAFO!

HBV wuxuu ku faafaa, Dhiig ama dareere jir

Hooyada qabta cudurkan Ilmaha ayay ugudbisa xilliga dhalmada

Irbado ama qalab caafimaad oo la wadaago, Galmo lala wadaago qofka qaba cudurakaan

Qalab nabar‑goyn ama cirbad‑dhaqameed aan la nadiifin, kuma faafo cunto, biyo, ama hawada.

HABKA UGU WANAGSAN LOGA HORTAGO.

Tallaalka HBV oo dhameystiran, ka fogaanshaha wadaagga irbado iyo qalab dhiig qaada.

Baaritaanka dhiigga ka hor gudbin ama qalliinka, nadaafad adag oo goobaha caafimaadka ah

YAA HALIS UGU JIRA CUDURKAN.

Ilmaha ay dhalaan hooyooyin HBV qaba, shaqaalaha caafimaadka (dhiig‑taabasho joogto ah).

Dadka lawadaaga irbado daawo qof kale, dadka leh galmo badan ama aan badbaado lahayn.

Dadka qaba HIV ama cudurro kale oo daciifiya difaaca jirka, dadka ku nool meelaha uu HBV ku badan yahay, qoysaska la nool qof HBV‑positive ah.

DOORKA TALLAALKA

💉 Tallaalka Hepatitis B, waa mid aad u wax ku ool ah 95%, waxaa la siiyaa carruurta marka ay dhashaan, wuxuu ka hortagaa infekshan, daba‑dheerid, iyo kansarka beerka.

⚠️ Qofka hore u qaaday HBV tallaalku waxba uma taro, balse dadka kale ayuu si buuxda u difaacaa.

UGU DAMBEYN:

Hepatitis B waa cudur si aamusnaan ah u dila, maadaama calaamado la’aan uu u burburin karo beerka. 

Si kastaba ha ahaatee waa cudur si buuxda looga hortagi karo haddii tallaalka, wacyigelinta, iyo nadaafadda caafimaad la qaato si sax ah.

TALOOYIN MUHIIM AH:

Qofka: Haddii aadan hubin tallaalkaaga, isbaaritaan samee

Qoyska: Hubi in dhammaan carruurta la tallaalay

Bulshada: Jooji isticmaalka irbado la wadaago

Xarumaha caafimaadka: Hubi qalab nadiif ah iyo tallaal joogto ah

🛡️ Hepatitis B  waa cudur laga hortagi karo haddii tallaabo la qaado.

Fariintaani waa fariin wacyigelin iyo talo soo jeedin fadlan marksta la xiriiri dhakhtar kuna xirnow xarun caafimaad hadii aad calamadaha isku aragto sido kalena qaado talaalka ka hortaga cudurka Cagaarshow Nooca B.

.........................................................................................

✍️Mr. Sadiq Abdirahman